'Herri Txiki, infernu handi', ostegunean Villabonan

'Herri Txiki, infernu handi', ostegunean Villabonan

Euskal Telebistaren saio arrakastatsuenetako batek geldialdia egingo du, ostegunean, Amasa Villabonan, Herri Txiki Infernu Handi umorezko saioak.

Mikel Pagadi aurkezlea bere herrian izan da, Zuhaitz Gurrutxagarekin batera, Herri Txiki Infernu Handi saioa grabatzen. Hainbat herritarrekin hitz egin dute, eta emaitza ostegunean erakutsiko dute Olaederra Kiroldegian, 20:30etik aurrera.

Elkarrizketa horiek ikusteaz gain, Pagadi eta Gurrutxagaren bakarrizketez gozatzeko aukera izango da osteguneko ekitaldian; beste herrietan egiten duten moduan, Sebastian Lizasok bertsoak abestuko ditu.

Villabonako Udalak saio horretarako gonbidapenak banatuko ditu, 16 urtetik gorakoentzat. Gurea zineko leihatilan banatuko dituzte, bihar, apirilak 17, asteartea, honako ordutegian: 11:00-13:30, eta arratsaldez 17:30-20:00.