Autobusa hartu eta goiz pasa egin zuten Amasa-Villabonako Zubimusu ikastolako DBH 2ko hogei ikaslek, TOLOSALDEKO ATARIA-ko erredakziora. Amasa-Villabonako ikasleez gain, Zizurkil edota Adunakoak ere baziren. Komunikabide batean nola lan egiten den ezagutzen ondo pasa zutela adierazi zuten ikasleek, eta «oso pozik» ibili zirela.
URDURITASUNA GALDERETAN
Irrikaz hartu zuten lehiaketan parte hartzearena, eta gogotsu aritu ziren. Euskal atsotitzei errepasoa, matematika ariketak edota euskal abestiak asmatu behar izan zituzten. Baina eskualdeari lotutako galderei ere erantzun behar izan zieten, eta hor zalantzak agertu ziren edota errepasoa egin beharra. Lehiaketak, behintzat, Bernardo Atxaga nongoa den gogoan izateko balio izan duelakoan agurtu ginen irratitik.
Behin bisita bukatu eta kanpora atera ostean, «nik honetan lan egin nahi dut» esan zuenik ere izan zen. Ea bada, etorkizuneko kazetaririk ateratzen den Aiztondo aldean.
