Villabonako mugimendu feministak Emakumeok planto lelopean egingo den greba deialdiarekin bat egiteko eskatu die Amasako eta Villabonako emakumeei.
Grebaren seinale gisa, balkoi eta leihoetan amantalak eskegitzeko deia luzatu dute mugimendu feministatik.
Hauexek dira antolatutako ekitaldiak:
11:00. Herri guztian zehar, udaletxetik hasita kalejira zaratatsua egingo da herri guztian zehar. Kalejirara batzeko puntu more hauetara gerturatzeko deia luzatu da: Errebote plaza, anbulatorioa, Malkar plaza, Xalduko biribilgunea eta Olaederra kiroldegia.
19:00. Elkarretaratzea Malkar plazan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!