Triatletek 8,3 kilometro egin zituzten oinezko lasterketan, 22 kiiometro bizikletaz eta beste 10 eskiekin.
Lehen sektorean, Enara Oronoz nafarra izan zen azkarrena emakumeen artean, eta Ainhoa Mendia seigarren izan zen. Bigarren sektorean, Isabatik Erronkari Aranako mendi zentrora igo behar izan zuten, eta azken saioari ekiterako Mendia zazpigarren postuan zegoen. Azkenean, bi postu aurreratzea lortu zuen billabonatarrak, eta sailkapen nagusian bosgarren amaitu zuen. Euskadiko Txapela, ordea, berea da.
Gizonezkoen artean, berriz, lehen atalaren amaierarako, Pello Osorok aurrea hartua zuen, eta Joan Freixa zegoen bigarren, segundo bakarrera. Freixak, ordea, lasterketa puskatu zuen bigarren sektorean. Minutu eta 14 segundoko aldea ateratzen zion Osorori eskiko 10 kilometroak egin aurretik. Osorok ez zuen amore eman, baina aldea murriztea lortu bazuen ere, Freixa izan zen garaile proban; Euskadiko Txapelketa, berriz, Osororentzat izan zen.