Villabonako Gaztetxeak After Iñauteriak jaia antolatu du gaurko. Tolosako inauteriak pasata, herrian ere neguko festak ospatu nahi izan dituzte eta egitaraua irekitzeko haurrentzako jokoak egin dituzte.
Gaztetxeko Irune Alfonsok eta Alaitz Iturtzaetak esan dutenez, lehen aldiz antolatu dute After Iñauteria eta espero dute herritarrak elkartu eta aurrerantzean egitea ere. Egitaraua irekitzeko haurrentzako jokoak egin dituzte eta baita txokolate jatea ere. "Gaztetxea herritar guztiei irekita dagoela adierazi nahi dugu, ez dela gazteentzako bakarrik, eta horregatik antolatu ditugu haurrentzako ekintzak ere", esan du Iturtzaetak.
23:00etan Lady Banana Zaragozako taldea izango da eta 00:15ean mozorro onenari saria ere banatuko dute, bukatzeko DJ DZ & Gatxet izango dituzte musika jartzen.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!