Aita Luziano Amasa-Villabonako aguazila zuen eta udaletxeko goiko solairuan kokatuta zegoen etxebizitzan jaio zen Ana Arilla. Ezkondu bitartean bertan bizi izan zen.
Gerora, administrari bezala lanean jardun izan du udal bulegoetan 44 urtez. Erretiroa hartzera doa eta bere lankideek lore sorta eta opari batekin agurtu nahi izan dute. Argazki zaharrekin eta bertso batekin osatutako koadroa eman diote oparitan. Oihana Iguaranek idatzi du bertsoa:
Gurasoengandik hasi
ta zugana zenbat pausu
Luzianoren lanetan
zu ez jardun arren usu
ordenagailu aurrean
ze langile fin ta sutsu
Ta lankide gisa berriz
bizi, gertuko, amultsu.
Harrerara datorrenak
nahiz ta faltan sumatu zu
Gozatu datorkizuna
hemen izango gaituzu
Ia-ia bizitza bat
Udalean pasa duzu
eta bertan gabiltzanoi
bizia eman diguzu
_content.jpg)
