Otsailaren 6an, asteartea, Emakumearen Mutilazioaren aurkako Nazioarteko Eguna da eta Villabonan Moolaadé filma proiektatuko da, 18:30ean, Gurea Antzokian. Neskei Afrikan praktikatzen zaien mutilazio genitala salatzen du filmak eta 2004an Canneseko jaialdian saria lortu zuen.
Filmaren sinopsia: Klitoriaren eszisio errituala jasan zuen Collé Ardok, bere alaba bakarra trantze horretatik libratzea eta sexu-mozketatik salbatzea lortuko du. Garbikunde erritua zazpi urtean behin ospatzen da, bertan herriko neska gazteek klitoriaren eszisioa jasan behar dutelarik. Zeremonia berriaren unea iristen denean, ebaketa hori ez pairatzeko lau neskek herritik ihes egin, eta Colléren babesa bilatuko dute. Herria gatazka bizian dago halako egoeraren aurrean, bi motako balioak kontrajartzen baitira: “moolaadéa”, asilo-eskubidea, “salindearen” aurka, eszisioaren usadioaren aurka.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
