Ertzaintzak Villabonako taberna baten jabea atxilotu du "drogarekin trafikatzeagatik"

Tolosaldeko Ataria 2018ko ots. 4a, 15:31
Herrizaingo Sailak jakinarazi duenez, 45 urteko gizonezko bat atxilotu zuten ostiral gauean Villabonan, "herrian duen bere jabetzako tabernan drogarekin trafikatzea leporatuta".

Ertzaintzaren prentsa zerbitzutik jakinarazi dutenez, orain dela hainbat aste jakin zuen polizia autonomikoak, herritarren laguntzari esker, Villabonan dagoen taberna batean drogarekin trafikatzen ari zirela.

Agenteak joan den ostiral arratsaldean sartu ziren lokalean, eta jabea identifikatu ondoren miatu egin zuten lokala. Miaketan 36 gramo kokaina eta 16 gramo speed zituzten hainbat poltsa eta ustez drogaren salmentatik zetozen 1.412 euro aurkitu zituzten.

Horren aurrean, ertzainek atxilotu egin zuten establezimenduaren jabea droga-trafikoaren delitua leporatuta, eta polizia-egoitzara eraman zuten.

Arrastatua atzo eraman zuten Tolosako Guardiako Epaitegiko epailearen aurrera.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!