Lehen aldia izango da Amasa-Villabonan opera saio bat proiektatuko dutena. Saioa aldez aurretik grabatutakoa izango da, eta honek arrakasta izanez gero, zuzeneko saioak eskaintzen hasiko dira. Astean zehar eskaintzearen arrazoia zera da: zuzeneko saioak, astegunetan egiten dituztela Europan.
Sarrerak eskuragarri daude dagoeneko, Amasa Kafetegian eta Basajaun liburudendan. Aurrez erosita 7 euroko salneurria izango dute, eta egunean bertan erosiz gero, 10 eurokoa. Gainera, ikuskizunaren atsedenaldian luntx bat eskainiko dute.
Bestalde, kultur sailak herritarrei zuzendutako talde baten bidez hauspotu nahi du operarekiko zaletasuna. Operaren lagunen taldea sortu dute, herriko kultur taldeetan parte hartzen duten kide batzuekin. Tartean dira, besteak beste, aurkezpen ekitaldira gerturatu diren Ana Iparragirre, Asier Vitoria eta Sofía Quílez. Taldeak billabonatarrak ikuskizun honetan parte hartzera nahiz taldean parte hartzera gonbidatu dituzte.