Plaka erakutsi aurretik, Juan Ignazio Sarasola auzokideak hartu du hitza eta gogoan izan du maiatzean egindako "egun eder eta polita". Eta gogoan izan ditu "urte zailetan beraien familia aurrera atera zituzten gurasoak. Gure oroimena eta esker ona eskaini genion guraso haiei. Egun hura ahaztuta geratu ez dadin, erabaki zen oroigarri bat auzoaren bihotzean kokatzea. Oroigarri hori izan dadila iraganeko lekuko eta etorkizunaren izarra".
Hitzak entzun eta gero, plaka erakusteko ardura auzoko zaharrenari, Jesusa Mendizabali, eta senar-emazte zaharrenei, Teodoro Mujikari eta Teresa Goyari egokitu zaie. Ondoren, dantzariek agurra dantzatu dute, eta ekitaldia amaitzeko familia argazkia ateratzeko aukera izan da.
