Villabonako Udalak, Giza Eskubideen eta elkarbizitzaren alde dihardu lanean eta gizarte osoak, eta bereziki biktimek jasandako ondorio lazgarriak "ahanzturan ez gelditzeko" baliatu dute Memoriaren eguna.
"Biktima guztiei gure elkartasuna eta hurbiltasuna adierazten diegu" esan du ohar batean Villabonako Udalak. "Etorkizuneko bizikidetzaren oinarri sendoak finkatzeak elkarlana eta batzen gaituen hori aztertzea eta horri heltzea suposatzen du. Bide horretan, euskal gizarteak bizi izan dituen eta bizi dituen egoera zail guztiak bere konplexutasunean aztertu beharrean gaude, errealitate anitzei erreparatuz, erantzun bateratuak emateko gai izan gaitezen".
Amasa-Villabonako biktima guztiak, giza eskubideen urraketak pairatu zein pairatzen dituzten pertsona guztiak gogora ekarriz, "aitortza" egin nahi die Villabonako Udalak eta ez "errepikatzeko bermea" aldarrikatu. "Egia, aitortza eta erreparazioa".