Ostiral honetan Hambre ikuskizuna, antzerkia, musika eta gastronomia biltzen duena izango da Villabonako Aljibean. Alderdi gastronomikoa prestatzeko aurrez jakin behar dute zenbat jende joango den, beraz, aurretik hartu behar dira Amasa kafetegian. Asteazkena, urriak 4, 14:00ak arte bakarrik egongo dira sarrerak salgai.
Bestalde Imanol Urbietaren kantutegian oinarrituta Pupu eta Lorek Haizearen Herrira haur ikuskizuna eskainiko dute igandean, 17:00etan. Sarrerak ostiraleko 14:00ak arte erosi ahal izango dira Amasa kafetegian, eta denak saldu ez badira, igandean bertan Gurea antzokiko leihatilan erosi ahal izango dira 16:00etatik aurrera.