655,5 puntu batu ditu bertsolari amasarrak. Indartsu hasi du saioa zortziko handian Jon Martinekin batera. Txirrindulariarwn paperean sartuta arrazoiz beteriko hiru bertso bota ditu eta ederki borobildu du ofizioa.
Zortziko txikian eta puntu erantzunean oker handirik gabe aritu da amasarra eta berriz nabarmendu da hamarreko txikian, ariketa horretan txalo gehien jaso duten bertsoak jasoz. Diabetesa duten bi gaixoren paperean sartura ederki baliatu du Iguaranek kantukidea medikua izatea. Bikain aritu da eskualdeko bertsolaria.
Hauxe izan dute bertsolariek bakarka aritzeko gaia kartzelakoan: "prentsaurrekoa ematen ari zara. Galderen tartean azken galdera bat egin dizute; erantzun gabe aldegin duzu". Iguaranek Mikel Goñi bailitzan kantatu du. Ederki borobildu du jarduna umoretik.
Bigarren egin du Nerea Elustondok, laugarren Ander Fuentesek, bosgarren Unai Gaztelumendik eta seigarren Feliz Zubiak.
Bastidan kantatuko du Jon Martinek, Igor Elortza, Sustrai Colina eta final-laurdenetatik sailkatutako beste hiru bertsolarirekin batera. Urriaren 28an izango da lehen finalaurrekoa.