Elkarteen arteko lehiaketa izaten da isats gisatuena. Aurten zazpi elkarte lehiatu dira eta azkenean Zizurkilgo Urkamendikoek irabazi dute. Bigarren egin dute Irrintzikoek eta hirugarren saria berriz, Adunako Txulobikoek jaso dute.
Isats gisatuen lehiaketako sariez gain, postuen artean ere banatzen dituzte oroigarriak. Hiru izan dira saritu dituzten postuak: Mariana Rosca artisauarena, Iosu Laralda fruitu lehorren saltzailearena eta Sarrikola okindegiarena.
Giro ederra sortu dute Irrintzi elkartekoek azoka berezian eta asko izan dira Txermingo ikastolara gerturatu direnak.