Gipuzkoa, Bizkaia, Araba, Nafarroa, Iparralde eta Errioxako artisau produktuen XXII. azoka izango da eta eztia, ahate produktuak, gaztak, hestekiak, ogia, gozoak, ardoa, arrai kontserbak, mermeladak eta baita kosmetika, ukenduak, bitxiak eta bestelako produktuak aurkeztuko dituzte.
Guztira 50 postu izango dira eta hiru ederrenak sarituko ditu Villabonako Irrintzi elkarteak.
Azokarekin batera XXII. Isats gisatuaren lehiaketa egingo dute eta Aiztondo bailarako zazpi elkarte lehiatuko dira. Iazko sari preziatua Amasako Uxo Toki elkarteak eskuratu zuen. 12:00etan jakinaraziko da lehiaketaren emaitza.
Gainera, bazkaria izango da irrintzi elkartean. Honako menua prestatu dute: kardua, isats gisatua eta izozkia. Edaria, kafea eta kopa barruan direla, menuak 15 euroko prezioa izango du. Elkartean bertan eman beharko da izena egunotan.