24ko HERRI AFARIA
Herri afarirako, herriafaria24@gmail.com e-mailean eman daiteke izena, uztailaren 21eko eguerdiko 12:00ak baino lehen (kuadrillen izena eta jende kopurua adierazi behar da). Izen ematea modu presentzialean egin nahi izatekotan, uztailaren 21ean egin behar da, 09:00etatik 12:00etara, kultura saileko bulegoan.
KUADRILLEN BAZKARIA
Mahai eta aulkien banaketaren hurrenkera zozketa bidez gauzatuko da aurten ere. Izen ematea hurrengo e-mailean egin:etxeondobazkaria@gmail.com. Horretarako, mezuan kuadrillaren izena jarri behar da, eta zenbat lagun joango diren bazkaltzera. E-mailez izena emateko azken eguna uztailaren 21ean izango da, eguerdiko 12:00etan. Izen-ematea modu presentzialean egin nahi izatekotan (e-mailez izena ematea gomendatzen da, dena den), uztailaren 21ean egin behar da, 9:00etatik 12:00etara, kultura saileko bulegoan. Txupinazoaren momentuan, zozketa egingo da eta bertan ateratzen den zenbakiaren arabera antolatuko da mahaien banaketa. E-mailez, prentsaren bidez, udaletxe azpiko tabloian eta Villabonako Udalaren webgunearen bidez jakinaraziko da mahaiak jasotzeko ordena.
Aulkiak eta mahaiak eguerdiko 12:00etan banatuko dira bazkariaren egunean, eta izen ematearen ordena berean egingo da.