Sua etxebizitzako sukaldean piztu da, etxeko jabea bertan ez zegoen momentu batean. Udaltzaingoak gerturatu eta jarraian suhiltzaileak, Ertzaintza eta herriko brigada taldea ere bertaratu dira. Udalak jakinarazi moduan, une honetan jada egoera kontrolpean dute: "Beste etxeetan kalterik egon ez den arren, kea zabaldu egin da eta segurtasun protokoloari jarraituz, blokeko bizilagunak euren etxeetatik atera dituzte". Oraindik hala ere, sutea ez da erabat itzali. Maite Izagirre alkatea bertan izan da egoeraren unean uneko informazioa izan eta udalaren laguntza eskaintzeko.
