Villabonako Behar Zana klubaren izenean jokatu zuten finala, atzo, senior mailan. Barañaingo Lagunak taldeko Santamaria-Etxamendi bikotearen aurka, "uste baino errazago" irabazi zutela aitortu du Maizek.
Orain, Espainiako txapelketa du begiz jota billabonatarrak, kasu honetan, banaka jokatu beharko duena. Hori irabazteko, lehenik, Alvaro Garatea pilotari errioxarraren aurka neurtu beharko ditu indarrak, Iruñeako Mendillorri trinketean jokatuko den finalean. Ostiral honetan izango da partida hori, arratsaldeko 19:00etan.
Horrez gain, iraila amaieran, Argentinako Buenos Aires hiriburuan jokatuko da modalitate honetako 22 urtez azpikoen munduko txapelketa. Maiz, Espainiako selekzioarekin hautatua izan da, eta udaran zehar egingo dizkiete froga fisikoak. Frogak egin ondoren esango diote onenen artean jokatzeko hautatua izango den hala ez.