Eskolako Agenda 21 egitasmoaren baitan Amasa-Villabonako ikasleak Maite Izagirre alkatearekin, Eneko Urdangarin Ingurumen zinegotziarekin eta Alaitz Bilbao Ingurumen teknikariarekin elkartu ziren atzo goizean udalbatza aretoan.
“Urak dakarrena” gaiaren barruan egindako lanak aurkeztu dizkiete ikasleek udaleko ordezkariei. Hala nola, herria hobetzeko landu dituzten ondorioak, konpromisoak eta proposamenak helarazi dizkiete
Udal ordezkariek, egitasmoko proposamenei erantzuna eman zieten eta orokorrean bat egin zuten aurkeztutakoarekin eta aintzat izango dituztela azpimarratu zuten. Gainera, proposamen batzuk jadanik martxan daudela azaldu zuten.
Eskolako Agenda 21 jasangarritasunerako hezkuntza lantzeko helburuz sortu zen programa da. Ikastetxeen, Eusko Jaurlaritzaren eta udalen arteko lankidetzan oinarritzen da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
