Gaur egin dituzte ospakizun nagusiak, nahiz eta maiatza osoan zehar egin dituzten ekitaldiak. Ondarea hartu dute aurten hizpide: ondare naturala, historikoa, eta batez ere, aurreko belaunaldietatik jasotakoa ondorengoei transmititzean jarri dute arreta.
Goizean ginkana bat egin dute "norberaren gaitasun fisikoak probatzeko" eta bazkalostean triki-bertso poteoa abiatu dute Villabonako kaleetan zehar. Horretarako Ander Goikoetxea Andriu eta Jon Beloki gonbidatu dituzte.
Gauean, Estarlus taldearen kontzertua izango da eta sorpresaz beteriko gaua izango dela hitz eman dute gazte asanbladako kideek. Gerturatzeko gonbita luzatu diete bailarako gazteei.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!