Villabonako Udaletik azaldu dutenez, abeltzainek «oso ondo hartzen dute» abereak larre publikoetara eramatearen inguruan ekitaldia antolatzearena. Hainbat herritar ere bertaratzen dira ganadua ikustera; hain justu, udaletik azaldu dutenez, ekitaldiaren helburuetako bat da ganaduaren larreratzeari buruz herritarrak jabetzea.
Amasa-Villabonako Komizar parkearen larre irekiera astelehenean izango da, eta aurtengoa 6. urtea da. Suziri bidez emango diote hasiera ekitaldiari eta ondoren abereak larreratuko dira. Hamaiketakoa eta musika izango dira ondoren, ekitaldia girotzeko. Ganaduzaleen eta udalaren artean antolatzen dute larre irekiera festa.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!