Amasa-Villabonako Udala transexualitatea despatologizatzeko, ikusgarritasun lesbikorako eta bazterkeria eragiten duten elementuak ikustarazteko kanpaina zehatzak susta ditzala eskatu die Aldundiari eta Jaurlaritzari. Aldarte Gay, Lesbiana eta Transexualen harretarako elkarteak Lesbianak ikusgai eta eskubidedun kanpainarekin bat egin eta EH Bilduk aurkeztutako mozioa aho batez onartu zuten asteleheneko ohiko osoko bilkuran. Gaur da, apirilaren 26a, Ikusgarritasun Lesbikoaren Nazioarteko Eguna.
Bide batez, Arrazakeria eta Xenofobiaren Kontrako Nazioarteko Eguna dela eta, Tolosaldea Garatzenek, Zurrumurruen Aurkako Sarearen eskaerari erantzunez aurkeztutako mozioa ere aho batez onartu zuten Amasa-Villabonako udal ordezkariek astelehenean.