Euskal estatu independente baten aldeko "baietza" eskatu diete herritarrei, datorren igandean, martxoaren 19an, Tolosaldeko Giltzarriak deituta eskualdeko 28 herrietan egingo den galdeketan.
"XXI. mende honetan 3ta inposatuta datorkigu ordenean, bai arlo politiko, ekonomiko, sozial eta kulturalean, estatua eduki behar dugu, hori baita burujabetza homologatu bakarra munduan, eta aitortua izateko modu bakarra", esan du ekitaldian Txutxi Ariznabarreta Independentistak sareko kideak.
Prozesu hori zabaltzeko subjektu politikoa eratzeko beharra azpimarratu du Ariznabarretak eta gehiengo sozial independentista bat osatzeko deia luzatu du, "hemen dauden haurrek etorkizun bat merezi dute askatasunean". Independentziaren alde egiteko hamaika arrazoiak daudela uste du Independentistak sareak, "klabe politikoan eta identitarioan, baina baita demokratikoan, justizia sozial mailan eta sozio-ekonomia mailan".
Gaur Villabonako Berdura plazan egindako ekitaldian parte hartu dute Beñat Iguaran eta Ander Goikoetxea aritu dira bertsotan eta Bihozkada taldekoek ere kantatu dituzte bi kantu. Amasa-Villabonako herritarrek eman dituzte independentziaren alde egiteko hamaika arrazoien berri. Barrikotearekin borobildu dute ekitaldia.