Doako zerbitzua da, eta aurretik hitzordua eskatuta, zuzeneko arreta pertsonalizatua eskaintzen du. Amasa-Villabonako edozein herritar joan daiteke bertara kontsumo arloan arazo edo zalantzaren bat duenean eta kontsumitzaile edota azken erabiltzaile gisa (hau da, ondasunak erosi edota zerbitzuak erabiltzean azken erabiltzaile gisa egiten badu, eta ez ekoizpen, merkaturatze edo zerbitzuak eskaintzeko edozein prozesutan txertatzeko erosten edo erabiltzen baditu).
Betebeharrak eta zerbitzuak:
-Informazioa eta aholkularitza
-Kontsumitzaileen eta erabiltzaileen interesak babestea
-Prestakuntza
-Kontsulta arreta
-Gatazkan dauden aldeen arteko bitartekaritza
-Kexen, salaketen eta erreklamazioen kudeaketa
Tolosaldeko Kontsumitzailearen Informaziorako Udal Bulegoko arduraduna Ainhoa Orrantia da eta bulegoa udaletxean dago. Hau da herritarrentzako harrera ordutegia: asteartetan 09:00etatik 13:00etara eta 14:00etatik 18:00etara. Aurrez hitzordua eskatu beharko da, 616 64 78 35 telefonoan edo kontsumoa@tolosaldea.eus posta elektronikoan.