Oso gustura zeuden tailerraren amaiera partean Villabonako gaztetxera joan direnak. Tailerra dinamikoa eta probetxuzkoa izan dela azaldu dute: "feminismoaren barruan maskulinateta lantzen ari gara, baina modu dinamiko batean, hau da, bakoitzak bere esperientzia kontatuz".
Parte hartzearekin ere oso pozik zeuden gazte asanbladakoak, apusturik onenetan ere ez baitzuten aurre ikusten kopuru hori. Amasa-Villabonako, inguruko herrietako eta baita Falceseko gazteak ere elkartu dira gaztetxean gaur goizean.
Mugimendua duen gaztetxea da Villabonakoa, nahiz eta batzuetan ongietorria ez den mugimendua jasan behar izaten duten. Aste honetan bizitu dute azken adibidea. Asanbladatik salatu dutenez, ezezagunen bisita izan dute astean zehar gaztetxean. Ongi ez zekiten zertara sartu diren sartu direnak: "Diru askorik behintzat ez zuten aurkituko". Hala ere, esan bezala, Onddo Gazte Asanbladak salatu du gaztetxean sartu izana, eta horretarako kontzentrazioa egin zuten asteartean.
Argazkia: Onddo Gazte Asanblada