Iragan astean banatu zituen Aizkardi Mendi Taldeak argazki rallyko sariak. Aurretik, lan guztiak ikusgai egon dira Gurea zine aretoko sarreran.
Mendian ibiltzea gustuko izan eta argazkigintza maite dutenek ekidin ezineko zita izaten dute urtero Aiztondon: Aizkardi Mendi Astearen barruan antolatutako argazki rallya, hain zuzen ere.
Aurtengo lanen inspirazio iturria, ezin hobeto esanda gainera, ura izan da. Urak argazkilari bakoitzaren objektibo aurrean forma ezberdina hartu du gainera: batzuetan putzuak izan dira, besteetan iturriak, errekak eta distirak ere azaldu izan dira aurkeztutako irudietan, adibidez.
SARIDUNAK
Urrezko tantak argazkiak jaso zuen argazki onenari saria; publikoak aukeratutako argazkirik onena Nat...ura izan da. Bigarren eta hirugarren sariak berriz, hurrenez hurren, ondorengoak izan dira: Islada eta Sarea.