Arratsalderako hitzordua egina zuten amasarrek eta asteasuarrek Amasako frontoian. Hasieran, erakustaldi batzuk egin dituzte eta jarraian etorri da bi taldeen arteko lehia: kirol ezberdinak errelebotara egin behar izan dituzte. Ajearen laguntzaz edo ajerik gabe, erakustaldi polita eskaini dute bi taldeek. Bukatzeko, sokatira saioa egin dute eta taldeko argazki batekin amaitu dute lehia.
Erakustaldiarekin eta plazan zintzilik zen Martina sorginaren agurrarekin amaitu dituzte amasarrek San Martin festak.