Taberna bilakatu da, eguerdian, Amasako txokorik epelena. Haize hotzagandik babesteko ez dute, ordea, guraso, senide zein haurrek, denbora gehiegirik izan: buruhandi eta erraldoiak zain ziren plazan, neska-mutilak berriro lasterka jartzeko.
Trikiti doinuek girotu dute desfilea, eta festa giroa zen nagusi baina, ohiko moduan, panpinek errespetua eman diote hainbat haurri, eta kopetilun gerturatu dira buruhandiak hobeto ezagutzera. Beste batzuek, berriz, erraz apurtu dituzte beldurraren mugak, eta maskara erraldoiak zirikatzera ere ausartu dira.
Gaztetxoenen gozamenari gazte eta helduenak jarraipena emango dio, herri bazkaria izango baitute orain.