Aldapan behera hasi behar izan dute lasterketa, baina, itzuli labur zein luze, helmuga zeharkatzeko estualdi txikian jarri behar izan dute arnasa neska-mutilek, maldan gora ibilbidea biribiltzeko.
11:00etan gaztetxoenek ekin diote haur krosari, eta haur bezainbeste guraso eta senide elkartu da kirolzaletasuna sustatzeko hitzordura. Argazkilaririk ez da falta izan, eta ezta animorik ere.
Atsedena ederki etorri zaie, batez ere, haurretan helduenei, eta lurrean esertzea aukeratu duenik izan bada ere, gehienek taberna izan dute aterpe, muinoko haize freskotik babestu eta mokadutxoa jateko.