Oinkari dantza taldeak, Amasa-Villabonako Udalaren laguntzarekin antolatu ditu ekitaldiak azaroaren 14tik 19ra.
Kukai dantza konpainiak, ostiralean, Gurea aretoan eskainiko duen Lotuneak ikuskizuna ardatz hartuta, 13 eta 17 urte bitarteko gazteei zuzendutako tailerra izango da, ikastolako ganbaran, astelehenean, azaroak 14, 19:00etatik 20:30era. Azken urteetan kanpoko koreografoekin egindako lanak eragin dion eraldaketa erakusteaz gain, denbora horretan mugimendua nola landu eta garatu den aztertuko dute Kukai taldeko kideek, modu praktikoan.
Beste bi tailer eskainiko dira astearen barruan. Asteartean, dantza familian tailerra eta ostegunean, dantzarako nola jantzi azalduko dute, Eneko Gilek eta Lurdes Esnaolak eskainiko dituzte, hurrenez hurren. Tailerrak doakoak dira eta edonork hartu ahal izango du parte, harremanak@oinkari.eus helbidean izena emanda.
Astea amaitzeko, larunbatean, Swarovska taldearekin erromeria izango da Oinkariko irakasleek zuzenduta.
AZAROAK 14, ASTELEHENA
19:00 - 20:30. Ikastolako ganbaran, Dantza Astearen barruan emango du tailerra Kukai Dantza Konpainiak.
AZAROAK 15, ASTEARTEA
17:30 - 18:30. A Taldea. Ikastolako ganbaran, Dantza Astearen barruan emango du tailerra Eneko Gilek, Dantza familian izenarekin.
18:30 - 19:30. B Taldea. Ikastolako ganbaran, Dantza Astearen barruan emango du tailerra Eneko Gilek, Dantza familian izenarekin.
AZAROAK 17, OSTEGUNA
19:00 -20:15. Ikastolako ganbaran, Dantza Astearen barruan emango du tailerra Lurdes Esnaolak dantzarako nola jantzi esplikatzeko.
AZAROAK 18, OSTIRALA
22:30. Gurea zinema aretoan, Kukai dantza konpainiaren Lotuneak ikuskizuna.
AZAROAK 19, LARUNBATA
17:30 - 18:45. Bearzana pilotalekuan, Swarovska taldearen erromeria, Oinkariko dantza irakasleek zuzenduta.