Lehen aldiz ospatuko da Euskal Herriko I. Bote Luzeko Txapelketa. Igande honetan, Amasa-Villabonako Errebote plazan jokatuko dira partidak, 10:30ean hasita.
Lehenik, Bote Luzeko partida jokatuko da, Gipuzkoako bigarren eta Lapurdiko lehen taldea ariko dira nor baino nor. 12:00etan, aldiz, Enrique Abril Memorialaren Errebote norgehiagoka jokatuko dute, Behar Zana eta Kanbok.
Igandeko zita baino lehen, Bote Luzeko lehen partida Sarako plazan jokatuko dute, Lapurdiko bigarren eta Gipuzkoako lehen taldeak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!