Irailaren 5 eta 9 artean, herritarrek aldaketaren gaineko informazioa jaso ahal izango dute etxeko postontzietan. Bertan, organikoa eta errefusaren edukiontziak erabiltzeko behar den txipa, noiz eta non jaso beharko duten azalduko da, besteak beste. Irailaren 12tik 16ra banatuko dituzte txipak.
Amasa-Villabonako Udalaren arabera, bosgarren edukiontziarekin aurrezten den diruarekin, herritarrek konposta egiteko poltsak eskuragai izango dituzte, horretarako jarriko den makina berri batean; poltsak txip bidez lortzeko aukera izango da.
Udalak eskatu die herritarrei sistema ahalik eta ondoen erabiltzeko, herria garbiagoa izaten laguntzeko, eta sistema bera merkeagoa izan dadin.