Gipuzkoako Errebote Txapelketa bere amaierara iristear da. Hego Euskal Herrian hiru elkarte besterik ez dira errebotean jokatzen dutenak, eta aurtengoan lortu dute lau talde osatzea. Zubietako bi, Oiartzungo Txost elkartetik bat, eta Villabonako Behar Zana elkartekoa da bestea. Finala larunbat honetan izango da 10:30ean Zubietako plazan, eta Zubietako talde bat lehiatuko da Villabonako Behar Zana elkartekoen aurka.
Finalera iritsi baino lehen, talde bakoitzak hiru partida jokatu ditu ligaxkan. Talde guztiak elkarren aurka jokatu dute, eta partida gehien irabazi dituzten bi taldeak lehiatuko dira finalean.
Villabonako taldearen emaitzak:
Behar Zana - Zubieta 2, 11-13
Behar Zana - Txost, 13-11
Zubieta 1 - Behar Zana, 6-13
Behar Zanakoek Zubieta 2 taldearen aurka jokatuko dute finala: 10:30ean izango da Zubietako plazan. Lehendik kirol hau ezagutzen ez duen jendeari luzatu nahi die antolatzaileek partida ikusteko gonbita.