Nesketan, zilarrezko domina bat ekarri zuten etxera eskualdeko pultsulariek. 58 kilotan, Susana Davila billabonatarrak, bigarren postua eskuratu zuen. Horrez gain, Davilak Euskadiko sei marka puskatu zituen. Hiru juniorren mailan, eta beste hiru absolutuan: 77 kilo arrankadan, 97 kilo bi denboratan eta 174 kilo total olinpikoan.
Susana Davilarekin batera, Naiara Madrid ere lehiatu zen, eta 48 kilotan seigarren egin zuen.
Mutilei dagokienez, Mikel Alvarez izan zen dominarekin itzuli zena Madriletik. 85 kilo kategorian hirugarren egin zuen Alvarezek. 62 kilotan Ekaitz Kortajarenak hartu zuen parte, eta bosgarren postu batekin konformatu behar izan zuen.
Danok Danena Halterofilia Taldetik guztiak zoriondu nahi izan dituzte, eta pultsulari hauen txapelketa ona izan dela gogoratu dute, ez baita ahaztu behar maila oso altua zegoela: «Olinpiar Jokoetara joateko plazak zeuden jokoan, eta ondorioz, lehiakortasun handia».