Omenaldi xume bezain hunkigarria jaso dute Manu Murielen senide eta lagunek gaur eguerdian, Villabonan. Murielen oroimenezko futbol txapelketa jokatzen ari dira bertan, Arratzainen, eta 12:00etan duela bi urte zendu zen Billabonako FKE-ko kidea omendu dute, elkarteko kideek. Senideek bere oroitarrian Villabonako zapi berdea zintzilikatu dute, eta futbol elkarteko ordezkariek lore sorta utzi dute ondoren. Minutu bateko isilunearekin amaitu da ekitaldia.
Futbol txapelketa goizean hasi da, alebin mailako 12 talderen artean. Txikienek partida eta jokaldi ikusgarriak utzi dituzte zelaian; adibidez, Tolosako atezainak bere atetik gola sartu duenekoa. Arratsaldean kanporaketa fasea hasi da, eta 19:00etan finala jokatuko da.
