Villabonako Behar Zana elkarteak atzo bota zuen suziria, asteburu osoa iraungo duen egitarauari hasiera emateko. Gaur pilota eskolako txapelketako finalak jokatuko dira goizez eta arratsaldez frontoian jaialdia izango da. Gauean, Behar Zana danborrada aterako da kalera.
Atzo txupinazoaren ondoan, Olaederra inguruan, bola eta toka jokoak egin zituzten elkarteko kideek. Behar Zana elkarteko Bola taldekoak aritu ziren azalpenak ematen. Buruhandi eta erraldoiak atera ziren ondoren eta sagardo dastaketa egin zuten iluntzea girotzeko.
Bihar, igandea, 09.00etan jarraituko du festak dianarekin, eta 11.30ean belaunaldien arteko desafio bat biziko dute Errebote plazan. Festa amaitzeko, 14.30ean gonbidatuen bazkaria izango da elkartean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!