Aste honetan Gipuzkoako Foru Aldundiko Xabier Arruti, Nekazaritza eta Landa Garapeneko Zuzendaria Nagusia, eta Arantxa Ariztimuño, Mendiak eta Natura Inguruneko Zuzendari Nagusia, Amasa-Villabonako udaletxean izan dira eta Iban Agirre alkatearekin, Eneko Urdangarin ingurumen zinegotziarekin eta Alaitz Bilbao udal teknikariarekin bildu dira.
Amasa-Villabonako Udala Amasamendi mendiaren antolaketa plana idazten ari da eta gai hori izan dute hizpide erakundeetako ordezkariek.Hain zuzen, urtero ospatzen den Aste Berdearen barruan, plana osatzen parte hartzen ari direnekin mendi irteera egingo dute. Ekainaren 4an izango da eta 09:00etan, Komizarreko parketik abiatuko dira.
Bezperan, ekainaren 3an, bigarren eskuko azoka egingo dute, 17:30tik 20:00etara. Udalak azpiegitura jarriko du eta nahi duenak jarri ahal izango du postua Berdura plazan.