Deialdian parte hartzeko 18 urteak beteak izatea edo 2016an betetzea derrigorrezkoa izango da. Euskara ondo menderatzea eta elkarrizketa-talde dinamika gainditzea izango dira gainerako baldintzak.
Hautatze prozesuak bi fase izango ditu. Lehen fasean titulazioa eta lan esperientziaren balorazioa egingo da (denbora libreko begirale edo zuzendari titulua, heziketarekin zerikusia duten ikasketak, esperientzia antzeko lanetan). Bigarren fasean, elkarrizketa eta talde dinamikak egingo dira. 45 minutuko iraupena izango dute eta baloratuko direnak hurrengo atalak izango dira: parte hartzea, gizarte trebetasunak, talde lanerako gaitasuna, euskara maila eta diskurtsoa.
Zuzeneko hartu emanak duen garrantzia azpimarratu nahian, lehen faseari %40ko balioa emango zaio eta bigarren faseari %60koa. Informazio gehiago, hala ere, gazteria@villabona.eus helbidean eta 943 69 47 87 telefonoan.