Beste herrialde batzuetan burututako ikasketen homologazioa balioztatze eta onarpen prozesuaren inguruko informazioa, aholkularitza eta orientazioa emateko saioa izango da, apirilaren 11n, 18:00etatik 20:00etara, Amasa-Villabonako udaletxean. Bidez-Bide elkartea eta Tolosako Jabekuntza Eskolarekin elkarlanean antolatu du Tolosaldea Garatzeneko migrazio eta aniztasun sailak.
Biltzen elkartearekin batera, berriz, atzerritartasun legeari buruzko saioa izango da apirilaren 20an, 10:00etatik 12:00etara. Atzerritartasun legeak bizitzako arlo ezberdinetan duen eraginaren inguruko galderei erantzungo die aditu batek, herritar orori eskainitako saioan.
Bi ekimen hauetan parte hartu nahi duenak, 943 65 45 01 telefono zenbakira hots egin edo bestela migrazioa@tolosaldea.eus helbidera idatzi beharko du.