Maria Luisa Ariza zinegotziak azaldu duenez, "gaitzespen honekin Europako Batasunari eta hura osatzen duten estatuei exijitu nahi diegu, errefuxiatuek bizi duten egoerari berehalako erantzun humanitarioa ematea". Europako Batasunak asilo eskubidea eta giza eskubideen inguruko tratatuak sinatu ditu, eta beraz, alderdi sozialistaren ustez, "eskubide horiek errespetatzen ez dituzten akordio, hitzarmen eta ekintzak bertan behera geratu beharko lirateke". Bide batez, PSE-EEk bere egiten du 'Pasaje Seguro' manifetua, Europa osoko gizarte mugimendu, sindikatu eta alderdi politikoek sinatutakoa.
Udalbatzak aurkeztutako mozioa eztabaidatu dezan, PSE-EEk mozioa osoko bilkuran aurkeztuko du.