Hainbat gai izango dituzte hizpide asteleheneko osoko bilkuran. Adibidez, Memoria eta Bizikidetza batzorde informatibo bereziaren osaketaren berri emango da. Bestalde, irisgarritasuneko udal ordenantzari hasierako onarpena emateko proposamena aztertuko dute zinegotziek, baita baratzeko ekologikoak esleitzeko edo kudeatzeko araudiari ere.
Beste hainbat gairen artean, Amasa-Villabonako udal langileen aurtengo ordainsariak %1ean igotzeko eta erabateko lanaldian alkate kargua betetzeagatik 2016ari dagokion soldata aldatzeko proposamena aztertuko dira.
Aipatu bezala, hondakinen bilketa sistemari finkatzeko akordioa berretsiko dute eta EH Bilduk aurkeztutako hiru mozioa aztertuko dira: Correscales, prekarietatearen aurkako korrikari buruzkoa bata, emakume eta herri kurduari buruzko bestea eta azkenik, Eusko Jaurlaritzak Gizarte Larrialdietarako gastua bere gain hartzeko eskatzeari buruzko mozioa.
PSE-EEk proposatuta, energia pobreziari buruzko beste mozio bat eztabaidatuko dute zinegotziek asteleheneko bilkuran eta bi adierazpen instituzional jarriko dira mahai gainean: SEADren aldarrikapenaren 40. urteurrenaren ingurukoa eta Europan eta munduan emakumeen eta gizonen arteko berdintasunaren alde alkateak aurkeztutakoa.