Berria egunkariaren BerriaLaguna egitasmoarekin bat egin dute Amasa-Villabonako 40 merkatarik. Eguberriek iraun duten bitartean komertzio horietan erosketak egin dituzten pertsonek zozketa batean parte hartzeko aukera izan dute. Andoni Alvarez, BerriaLaguna kanpainaren arduradunak adierazi duenez, "3.000 boleto inguru bete direla kalkulatzen dugu".
Horietako bakar batek jaso du saria: Maria Jose Alberdi zizurkildarrak betetakoak. Mila euro gastatu ahal izango ditu BerriaLaguna egin diren Amasa-Villabonako saltokietan. Komertzio horietako batek, gainera, Begoñi konponketak izenekoak, beste sari bat jaso du. Ondorengo urtebetean Berrian 1.000 euro gastatu ahal izango ditu publizitatean.
Zozketan BerriaLaguna kanpaianaren arduradunaz gain, Iban Agirre Amasa-Villabonako alkateak eta Aitziber Cenzano Oria merkatari elkarteko idazkariak hartu dute parte.