Amasa-Villabonako Udaleko gizarte sailak aurtengo Martxoaren 8a iragartzeko kartela erabakitzeko lehiaketa antolatu du.
Lehiaketan parte hartu ahal izateko, herrikoa izan behar da, eta 16 urtetik gorakoa. Udalak jakinarazi duenez, lan irabazleak 200 euroko saria izango du.
Aurkeztutako lanek originalak izan behar dute eta A4 neurrian eginak eta kartela egiteko edozein teknika erabili ahal izango da. Honako leloak agertu beharko du: “Martxoak 8, EMAKUMEAREN NAZIOARTEKO EGUNA 2016,AMASA-VILLABONA”
Lanak aurkezteko epea urtarrilak 29ra arte egongo da zabalik eta Gizarte Sailaren bulegoan aurkeztu daitezke, 09:00tatik 14:00tara. Lanekin batera, sobre itxi bat aurkeztu behar da , eta bertan parte-hartzailearen izen-abizenak eta telefonoa jarri behar da.