Mondragon Unibertsitateko Lidergo, ekintzaile eta berrikuntza graduko ikasleek Betiko Market ekimena jarri dute martxan. Sortzaile ezberinen artean komunitatea sortzea dute helburu eta horretarako herriz herri ari dira merkatuak antolatzen. Gaur Villabonako Berdura plazan izan dira
Moda, garagardo artisaua, urdaiazpikoak, bitxiak, xaboi naturala, apaingarriak... gisa horretako sorkuntzak topa daitezke gaur Villabonako Berdura plazan. 16 postu jarri dituzte eta iluntzeko 20:30ak arte ikusi ahal izango dira.
Aurretik, Donostian, Beasainen, Zarautzen, Ordizian edota Deban jarri izan dituzte merkatuak Betiko Market taldekoek. Kimmu ikasle elkartearen ekimenetako bat da merkatua.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!