Ion Zaldua: «Larunbateko finalean jarriko diren gaiak adostuta daude»
Iazko urte bukaeran hasi ziren txapelketako gai-jartzaile taldean lanean. Ion Zalduak (Amasa-Villabona, 1978) aurkezle lanak egingo ditu larunbatean Saroi Jauregirekin batera.
Zein eginkizun izango duzu larunbateko finalean?
Protokolo aurkezle izango naiz. Saioaren hasieran eta bukaeran izango naiz oholtza gainean. Txapeldunaren izena nik esango dut.
Hainbeste pertsonen aurrean inoiz aritua al zara?
Ez, inoiz ez naiz jardun hainbeste jenderen aurrean. 2003an, Maialenek irabazi zuen txapelketa hartan ere izan nintzen protokolo arduradun. Oholtza gainera igo aurretik urduri egoten naiz, baina gero behin lanean hasita lasaitzen naiz. Kontuan hartu, zuri begira zortzi mila pertsona daudela baina zuk ez dituzula zortzi milak ikusten.
Nola bizi duzu herriko bertsolari bat finalista izatea?
Poz handia eman zidan. Gustura ikusi dut Oihana eta aurtengo txapelketan asko egin duela iruditzen zait.
Prest al dituzue finalerako gaiak?
Bai. Aurreko larunbatean bildu ginen eta osatuta utzi genuen saioa. Gaur edo bihar egingo dugu azken bilera azken orraztua emateko. Baina gaiak adostuta eta jarrita daude.
Zigor Leunda: «Bertsolaritza komunikazio jarduna da eta hori da baloratzen dena»
Amaia Agirre: «Erruki gabe eta bere onena ematera joango da Oihana Ilunbera»
Gipuzkoako Bertsozale Elkarteko langileoi antolakuntzan lan egitea tokatzen zaigu. Ostiral eguerdian joango gara muntaketa lanak egitera eta larunbatean ikus entzuleak baino dezente lehenago joango gara. Saioan zehar ez dakit zein lan zehatz egin beharko dudan, baina ziurtatu digute saioa jarraitzeko moduan izango garela.
Pozez. Harituzen ibiltzen diren gazte hauek baino urduriago bizi izan dut txapelketa. Uste baino hobeto ibili dira. Oihanaren izena eta aurpegia jendeari berriak egingo zaizkio, beharbada, baina guk ezaguna dugu eta zenbaterako gai den badakigu.
Umorea egiten fina da eta ironia da egin dezakeen ekarpenetako bat. Inertziari ihes egitea da lorpenik handiena. Erantzuteak duen garrantziaz jakitun da eta erruki gabe joango da. Bere onena emango du, ziur naiz.