Berdintasunerako Gunea izeneko topaketa antolatu du Emakundek aurten ere, hainbat erakunde eta elkartek berdintasunaren alde egindako ekimenak ikustarazi eta sendotzeko, eta batez ere jendea gaiarekin sentsibilizatzeko. Iaz bezala, Euskadin barrena ibiliko den autobusa izango da foroaren topaguneetako bat, eta autobusa abenduaren 18an iritsiko da Amasa-Villabonara.
Aurtengoa Berdintasunerako Gunearen XII. ekitaldia izango da, eta urriaren 5etik abenduaren 18ra bitartean egingo da Gizartea aurrera doa berdintasunerantz. Ez dezagun atzera egin lelopean. Aurten, ekimenarekin
Emakundek gogora ekarri nahi du Beijing-eko Adierazpenaren eta Ekintza plataformaren 20. urteurrena eta Euskal erkidegoko Berdintasun Legearen 10 urte betetzen direla.
Maiatzaren Lehena Plazan kokatuko da
Amasa-Villabonara, ostiral honetan, abenduak 18, helduko da autobusa Maiatzaren Lehena Plazan egongo da. Ibilgailuak 40 metro koadro ditu, hainbat ekimen gauzatzeko baliabideez hornituta dago: ikus-entzunezkoen pantaila, ordenagailuak, eserlekuak, erakusketak, antolatzeko euskarriak ... eta 25 lagunentzako tokia du.
Goizez, ikastetxeetako ikasleek berdintasunarekin lotutako tailerretan parte hartuko dute. Emakundeko begiraleek zuzenduko dituzte tailerrak. Arratsaldean, berriz, autobusa bisitatzeko aukera egongo da izenak aldez aurretik eman gabe.