2015eko urriaren amaieran, Tindufeko errefuxiatu saharauien kanpamentuetan bizi izandako eurite larriek 20.000 familia inguru utzi zituzten etxerik gabe, eta kanpamentuetako hainbat azpiegitura suntsitu zituzten; horren aurrean, Amasa-Villabonako Udaletxeak, Andoaingo Udal Musika Eskolako abesbatza eta Eresargi abesbatzarekin batera Sahararen aldeko kontzertu bat antolatu dute.
Larunbatean, abenduak 19, arratsaldeko 19:30ean Villabonako Jesusen Bihotza parrokian izango da. Bertan ateratako dirua, Tindufeko errefuxiatuen kanpamentuetara bidaliko da.