Esti Amanabarro, Aritza elkartea:
Akordatzen garelako bizirik daude izena jarri diote omenaldiari, eta hain zuzen ere, akordatzen direnez gaur argitara atera nahi izan dituzte Adolfo Lozano Olazabalek eta Alberto Beafourt-ek bizi izan zutena, aitortza eskainiz. Ekitaldian Oinkari dantza taldeko kideek eta Amaia Agirre bertsolariek ere parte hartu dute. Ekitaldian izan da Concepcion Lozano Bengoa, Lozanoren alaba, aita ezagutzeko aukerarik izan ez zuena eta oso hunkituta bizi izan du omenaldi osoa, eta "eskerrak" eman nahi izan dizkie bertaratutako guztiei.
Gaurkoa, La Ilusion elkarteak martxan duen proiektuaren barruan kokatzen den ekitaldia da: Mauthausenen (Austria) egondako gipuzkoarren etxe atarietan plakak jartzeko ekinbidea gauzatzen ari da. Mauthausen, Argeles (Herrialde Katalanak) eta Gurseko (Frantzia) kontzentrazio esparruetan egon ziren billabonatarrak preso. Bederatzi herritar ditu dokumentatuak Aritza elkarteak: Adolfo Lozano Olazabal, Alberto Beafourt, Alberto Pierre Beafourt, Juan Peña Villareal, Martin Gonzalez, Angel Garcia Etxarren, Hilario Garcia Illardia, Jose Telletxea Laskurain, Alejo Ramos eta Jose Ignacio Garmendia Urkola.
Gipuzkoako Hitza-k ostiralean argitaratu zuen gaiaren inguruko artikulua eta bertan bildu zituen datu guztiak.
Hala ere, informazio gehiago nahi duenak www.amasavillabonaoroitzen.net helbidera jo dezake.