Malkar plazan Eskulangitza Azoka izan da eta askotariko produktuak ikusi, dastatu eta erosi ahal izan dira. Hori gutxi ez eta Atari Bizi Lehiaketako irabazleen berri eman dute bertan. Hirugarren saria Izaskun Zarategi Agirrezabalak jaso du. Villabonako dendetan gastatu ahal dituen 85 euro jaso ditu. Bigarren aldiz, Pruden Terradillosek egin du, baina saria bere amak jaso du. Villabonako dendetan erabili ahal dituen 100 euro jaso ditu. Eta lehen saria Ana Goikoetxeari eman diote, nahiz eta saria bere senarrak jaso duen. Goikoetxeak ere 100 euroko bonoa jaso du eta horretaz gain Iturri Goxo jatetxean otordu bat egin ahal izango du.
Sari berezia ere eman diote herriko eraikin politenari, eta Kale Nagusiko 19. zenbakiak jaso du. Hauek ere herriko dendetan erabiltzeko 85 euroko bonoa jaso dute.
Lehiaketa eta gero, plaza beretik atera dira erraldoiak, buruhandiak eta ipotxak. Jende ugari bildu da haien bueltan eta Donostiako Irrintzi Konpartsak ere hartu du parte kalejiran.
Goizaldera arteko ekitaldiak daude oraindik aukeran: Oinkarik antolatutako Erromeri Eguna, sagardo eta pintxo dastatzea, trikitilariak, bertsolariak, Gozategiren kontzertua, Larrain dantza....