EAJko Iban Agirrek hartu du aginte makila Amasa-Villabonan. Alderdikideen botoak eskuratu ditu jeltzaleak eta beste hainbeste izan dira Nora Urbizu EH Bilduko hautagaiarentzat. Zuri bozkatu du Arija sozialistak eta, beraz, Agirre izango da alkate datozen lau urteetan.
Galder Azkueren eskutik jaso du aginte makila Iban Agirrek eta hunkituta egin ditu lehen hitzak alkate berriak. Seme-alabak izan ditu gogoan bere hitzaldian.
Udal taldeen artean elkarlana bultzateko konpromisoa hartu du alkate berriak eta herritarren zerbitzura egongo dela hitz eman du.
Nora Urbizu, EH Bilduko alkategaiak ere hitz batzuk egin ditu. Oposizio zintzoa egingo dutela esan du eta aurreko legealdian onartutako parte hartzeko ordenantza praktikara eramateko asmoa adierazi du.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
